Një makinë është përfshirë nga flakët gjatë natës së djeshme rreth orës 02:30 në lagjen “24 Maji”, Vlorë.
Uniformat blu bëjnë me dije se zjarri ka rënë në një automjet të parkuar, tip “Ford” në pronësi të shtetasit L. K., banues në Vlorë. Për fat të mirë nuk raportohet për të lënduar por, janë shkaktuar vetëm dëme materiale.
Njoftimi i policisë
Vlorë/Informacion paraprak
Më datë 27.09.2022, rreth orës 02:30, në lagjen “24 Maji”, Vlorë, ka rënë zjarr në një automjet të parkuar, tip “Ford” në pronësi të shtetasit L. K., banues në Vlorë, ku janë shkaktuar vetëm dëme materiale.
Grupi hetimor po punon për sqarimin e rrethanave të ngjarjes dhe përcaktimin e shkaqeve të rënies së zjarrit.
