Një ngjarje e rëndë është regjistruar paraditen e sotme, në lagjen Sporti, Gramsh. Një e moshuar ka rënë aksidentalisht nga kati i gjashtë i pallatit ku banonte.
Burimet zyrtare bëjnë me dije se 68-vjeçarja ka gjetur vdekjen e menjëhershme. Ndërkohë, grupi hetimor po punon për zbardhjen e shkaqeve të ngjarjes.
Njoftimi i policisë:
Sot, rreth orës 11:45, në lagjen Sporti, Gramsh, dyshohet se ka rënë aksidentalisht nga kati i gjashtë i pallatit ku banonte, shtetasja A. I., 68 vjeçe, e cila ka ndërruar jetë në spital.
Grupi hetimor po punon për zbardhjen e rrethanave të ngjarjes.
/Priza.al/
