Në përfundim të fjalës së tij në përfundim të protestës së zhvilluar nga opozita, kryedemokrati Sali Berisha u shpreh se revolucionin do ta vijojnë edhe të hënën para parlamentit.
“Edi Rama të kemi prerë biletën. Kthim pas nuk ka. Misionarë si ne nuk i ndalon dot asgjë. Ne kemi besnikërinë tonë ndaj miqve tanë, ne asgjë nuk mund të na pengojë në këtë rrugë. Edi Rama ka shndërruar parlamentin në një turp të historisë kombëtare, e ka shndërruar më keq se parlamenti i Putinit apo Lukashenkos. Aty shfrytëzon çdo lloj mekanizmi për të përjashtuar. E hëna ditë parlamenti, revolucioni na fton. Do ju gjejmë dhe në vrimën e miut të të japim atë që meriton”, tha Berisha.
