Qeveria çeke ka njoftuar se do të anulojë marrëveshjet që datojnë nga epoka sovjetike që i lejonin Rusisë të përdorte tokën dhe pronat e paluajtshme në territorin çek falas. Lajmin e ka bërë të ditur vetë ministri i Jashtëm çek Jan Lipavsky përmes një postimi në faqen e tij zyrtare në Twitter.
“Qeveria ka anuluar marrëveshjet e epokës komuniste sipas të cilave qeveria ruse përdori dhjetëra parcela toke në Republikën Çeke falas”, tha ministri i Jashtëm çek Jan Lipavsky në një postim në Twitter.
Çekosllovakia komuniste kishte bërë këto marrëveshje për t’i dhënë tokë falas BRSS në vitet 1970 dhe 1980. Marrëveshje që nuk u ndryshuan kur u shemb BRSS në 1991 dhe nga të cilat Rusia vazhdoi të përfitonte.
