Një ngjarje e rëndë ndodhi dje në Dervician të Gjirokastrës.Mësohet se si pasojë e zjarrit që ka përfshirë një banesë, ka ndërruar jetë një shtetase e mitur, 12 vjeçe. Shkak i zjarrit në banesë është bërë një qiri, i cili përdorej për ndriçim pasi mbrëmjen e djeshme zona e Dropullit prej orës 17:00 ishte pa energji elektrike.
12-vjeçarja Krisanthi Ndriço u fut në tualetin e shtëpisë, për ti shpëtuar zjarrit por nuk mundi dot.
Së bashku me vajzën në banesë ishte edhe babai i saj, Irakli Ndriço, i cili ndodhet në spital.
Njoftimi i policisë:
Gjirokastër/Informacion paraprak.
Rreth orës 20:30, në sallën operative ka ardhur një telefonatë se në fshatin Dervician, Dropull, ka rënë zjarr në banesën e shtetasit I. N.
Në momentin kur banesa është përfshirë nga flakët, brenda saj kanë qenë shtetasi I. N., 49 vjeç dhe vajza e tij 12 vjeçare e cila ka humbur jetën.
49 vjeç është transportuar në spitalin Rajonal Gjirokastër për ndihmë mjeksore.
Në vendngjarje ndodhen shërbimet e policisë, grupi hetimor po punon për të përcaktuar shkaqet e rënies së zjarrit dhe zbardhjen e rrethanave të ngjarjes.
/Priza.al/
