Nuk ndodh shpesh që banorët e një zone të mblidhen në një mendje për të mirën e përbashkët, por në fshatin Zejmen të Lezhës, kjo gjë ndodh!
Të gjithë banorët e fshatit kanë rënë në një mendje për të ‘luftuar’ një armik të përbashkët. Në orët e para të mëngjesit dy të rinj janë futur në vilën e drejtorit të gjimnazit të fshatit përtë grabitur, por komshinjtë i kanë pikasur.
Pikërisht në atë moment, sirena e një ambulance i ka frikësuar hajdutët, të cilët kanë dalë me vrap nga vila duke menduar se u kishte shkuar Policia, por jashtë në fakt i prinin banorët e tjerë të fshatit. Menjëherë sapo grabitësit kanë dalë nga vila, banorët e lagjes i kanë ndjekur dhe kanë arritur të bllokojnë njërin prej tyre.
Siç duket edhe nga pamjet e siguruara nga “Balkanweb” kanë mundur që të kapin një prej tyre, ndërsa tjetri është shpallur në kërkim nga Policia e Shtetit. Mesa duket të rinjtë ishin kthyer në “makth” për banorët e zonës.
/Priza.al/
