Pamjet e kamerave të sigurimit kanë regjistruar momentin kur disa persona të armatosur hapën zjarr mbi një makinë policie në Meksikë, duke lënë të plagosur oficerët që ndodheshin brenda.
Ngjarja ka ndodhur pasditen e së hënës në Tijuana të Meksikës. Në pamjet e siguruara nga kamerat e sigurisë duken dy persona të armatosur në një rrugicë teksa qëllojnë menjëherë sapo vjen makina e policisë. Njëri nga oficerët mori një plumb në fytyrë dhe ndodhet në gjendje të rëndë në spital.
“Policia u nis menjëherë pas një njoftimi për një ngjarje, e cila nuk ishte e vërtetë dhe ra në pritën e autorëve. Kjo është mizore dhe po ndodh për shkak të punës së mirë që ka bërë policia në këto zona gjatë kohëve të fundit”, tha Pedro Cruz, një zyrtar i policisë në Tijuana.
Për këto ngjarje, policia ende nuk ka asnjë autor.
