Sulmuesi i Kosovës, Vedat Muriqi, po bën më të mirën në La Liga. Ai sapo shënoi golin e katërt këtë sezon me Mallorca-n. Shtatlarti ka kaluar në avantazh skuadrën e tij pas 35 minutave lojë ndaj Real Madrid.
Sulmuesi dardan ka realizuar një super gol me kokë, pas një krosimi në zonë nga Lee. Kështu Muriqi nuk e fali në këtë rast skuadrën e Reali-t, pasi më herët i mjaftuan vetëm 30 sekonda lojë që të trembë skuadrën e Realit dhe të tronditë portierin Courtois.
