Samuel Umtiti do të nisë një aventurë të re në Serie A, teksa për sezonin e ri do të mbajë veshur fanellën e skuadrës së Lecces.
Në këtë mënyrë mbrojtësi kalon në huazim te ekipi italian, ndërsa dita e sotme ishte dhe momenti për të përshëndetur katalanasit.
Por pas përshëndetjes me lojtarët, Ansu Fati e ka uruar edhe nëpërmjet rrjeteve sociale, ndërsa e ka falënderuar që është kujdesur si të ishte vëllai i vogël.
“Paç fat Sam! Faleminderit që kujdesesh për mua si vëllai yt i vogël, për të gjitha këshillat dhe të qeshurat së bashku. Të uroj gjithë të mirat në këtë fazë të re, do të më mungosh”, ka shkruar Ansu Fati.
