Ukraina mposhti me rezultatin 2-1 në kohën shtesë Suedinë. Kur gjithçka dukej se po i vinte fundi dhe ekipet duhet të bëheshin gati për penalltitë, Dovbyk suprizoi të gjithë me një gjuajte me kokë duke shkundur rrjetën suedeze.
90 minutat nuk prodhuan fitues dhe kualfikimi u zgjidh në minutat shtesë. Ishin ukrainasit ata që realizuan të parët në minutën e 27, pas një goditjeje tepër të saktë nga ana e Zinçenkos.
Kur mendohej se 45-minutëshi i parë do të mbyllej me avantazhin e ukrainasve, erdhi goli i barazimit për Suedinë.
Në minutën e 43, ylli i Lajpcig, Forsberg shënoi golin e baraspeshës. Gol me fat ky për Suedinë, pasi topi u devijua nga një prej mbrojtësve të Ukrainës.
Edhe njëherë u vërtetua se futbolli është sporti më i bukur në botë dhe kurrë nuk i dihet kush mund të dalë fitues. Tashmë është mbyllur faza e 1/8-ve.
Përballjet e çerekfinaleve
E premte 2 korrik
Zvicër-Spanjë ora 18:00
Belgjikë-Itali ora 21:00
E shtunë 3 korrik
Republika Çeke-Danimarkë ora 18:00
Ukrainë-Angli ora 21:00
/Priza.al/
