Sevilla ka ndarë rrugët me Jorge Sampaoli. Me 12 ndeshje të mbetura në La Liga, ata e gjejnë veten vetëm dy pikë larg zonës së rënies.
Jose Luis Mendilibar është kandidati kryesor për të zëvendësuar trajnerin argjentinas.
Numri i ndeshjeve në La Liga është shumë i qartë.
Sevilla është e shqetësuar edhe për numrat e tjerë, ato të “fair play”-it financiar, në mënyrë që të mund të paguajë Sampaolin dhe stafin e tij të gjerë të trajnerëve (Jorge Desio, Diogo Meschine dhe Pablo Fernandez), duke rekrutuar në të njëjtën kohë zëvendësuesin e tij.
Ai mbërriti në tetor 2022, nënshkroi deri në qershor 2024. Tani, siç pritej, ai dëshiron të arkëtojë të gjithë pagën e kontratës, e cila do t’i kushtonte klubit andaluzian afërsisht 10 milionë euro.
Një shumë e papërballueshme për një klub që tashmë duhej t’i paguante dëmshpërblim Julen Lopetegui, i cili tani është në krye të Wolves.
Pas humbjes në Getafe, e cila e lë skuadrën pak mbi zonën e rënies, klubi ka vendosur të ndajë rrugët me trajnerin argjentinas përpara pushimit ndërkombëtar.
Sampaoli nuk do të drejtojë më seancën stërvitore… ndërkohë që klubi tashmë po punon për rekrutimin e një trajneri të ri sa më shpejt të jetë e mundur.
