Princ Harry pretendon se është sulmuar fizikisht nga vëllai i tij, William gjatë një sherri për martesën e tij me Meghan Markle. The Guardian ka marrë një kopje të Spare – librit të shumëpritur të Dukës së Sussex-it – disa ditë përpara se të dalë në shitje.
Në një pjesë të librit, pretendohet se William e kapi vëllain e tij duke e rrëzuar në dysheme. Harry vazhdon të pretendojë se William e kishte quajtur aktoren amerikane, me të cilën ai tashmë dy fëmijë, si “të vështirë”, “të vrazhdë” dhe “mizore”.
“Gjithçka ndodhi kaq shpejt. Shumë shpejt. Ai më kapi për jake dhe më rrëzoi në dysheme”,- thuhet se ka shkruar Harry në libër.
“U shtriva për një moment, i trullosur, më pas u ngrita në këmbë dhe i thashë të dilte jashtë”, vijon më tej në librin e tij.
Dyshohet se incidenti ka ndodhur në Nottingham Cottage në vitin 2019 kur Harry jetonte atje dhe filloi kur William u ankua për Meghan.
