Merkato nuk ka përfunduar ende për Liverpoolin. Diçka të tillë e ka thënë vetë trajneri i The Reds, Jurgen Klopp në intervistën e dhënë para ndeshjes së radhës në kampionat. Gjithsesi, Klopp pranoi se koha nuk premton shumë për të afruar mesfushorin e duhur.
“Ne po kërkojmë një përforcim në mesfushë, por sa më shumë që i afrohemi ditës së fundit të merkatos, aq më pak gjasa ka të bëhet. Edhe sikur të doja, mund t’i them emrat në mënyrë specifike, por do të jetë e ndërlikuar sepse ka pak lojtarë që janë të duhurit për ne” – tha mes të tjerash trajneri.
