Mali i Zi është kthyer në një problem të madh për punëtorët ditor shqiptar që sigurojnë bukën e gojës nga puna e vështirë në ndërtim.
Sot është dita e dytë e kthimit të punëtorëve ditor në Han të Hotit nga autoritetet e këtij shteti të vogël, por që po sjell probleme të mëdha. Ata ndalohen nga policia shqiptare dhe ajo malazeze, me justifikimin se përgjigjet e tamponëve janë fals.
Edhe punëtorët me pasaportën e vaksinimit nuk lejohen të kalojnë. Punëtorët janë shprehur se u kërkohet çdo ditë testi i cili kushton përafërsisht aq sa ata paguhen në ditë.
Kjo është arsyeja se përse dhe ditën e sotme kanë vendosur që të ngrihen në protestë.
Punëtorët: Kjo është shumë problematike për ne pasi na kanë venë edhe tamponin që kushton 25 mijë lekë dhe për ne është shumë e lartë kjo pagesë. Në për aq punojmë sepse jemi punëtor krahu, ne nuk kemi dobi.
Jam i vaksinuar me dy doza. Pala malazeze na kthen pas. tani e kanë bërë që duhet të kalojnë dhe 14 ditë pasi është bërë doza e dytë, i bëj thirrje policisë së shtetit të marrë masa.
Ne për 10-15 euro dalim të punojmë e këto duan 23 euro për tampon. E kam bërë vaksinën, dozën e parë. Dozën e dytë e kam me datën 9 tetor.
Ku na del ekonomia, për ti dhënë paret Edi Ramës. Nuk e kam bërë vaksinën, detyrohem të tregojmë tampon. Me këtë tamponin duan të na marrin paret kot.
Drejt Malit të Zi kalohet me certifikatë vaksinimi ose test negativ, i cili në Han të Hotit kushton 23 euro.
Për të kaluar kufirin nga Shqipëria në Malin e Zi nevojitet njëri prej këtyre dokumenteve:
- Pajisja me certifikatë vaksinimi me një ose dy doza
- Test PCR të kryer në jo më shumë se 72 orë
- Vërtetim që personat që hynë në Mal të Zi e kanë kaluar Covid-in jo më herët se 14 ditë dhe jo më shumë se 180 ditë nga testimi pozitiv
- Test antigen jo më të hershëm se 48 orë
Që në momentin që masat e mësipërme janë futur në fuqi, qytetarët kanë shfaqur revolta të cilat kanë përshkallëzuar deri në protesta. Ditën e djeshme u desh ndërhyrja e policisë e cila shoqëroi një person në komisariat.
/Priza.al/
