Është krijuar një gjendje kaosi në koncertin e fundit të Dua Lipës në Sydney, Australi. Shkak për këtë është bërë një problem me aplikacionin ku rezervoheshin biletat që la qindra fansa jashtë koncertit.
Turma fansash u panë të rreshtuar jashtë ‘Qudos Bank Arena’ në Parkun Olimpik të Sidney-t pasi aplikacioni “Ticketek” ndaloi së funksionuari, duke i bërë të paranishmit të paaftë për të dëshmuar se kishin një biletë.
This is disgusting. @Ticketek_AU has gone down and thousands of people can't get in to see @DUALIPA pic.twitter.com/j7cRrzVP1F
— DW (@danieloverheard) November 9, 2022
Ata u detyruan të hapin email-et e tyre për konfirmim, ndërsa sigurimi kontrollonte secilin prej tyre.
“Kjo është e neveritshme. @Ticketek_AU ka rënë dhe mijëra njerëz nuk mund të hyjnë për të parë DUA LIPA-n”, shkroi një fans në Twitter. “Çfarë fatkeqësie është kjo, aplikacioni nuk funksionon dhe biletat nuk janë të vlefshme për shumë njerëz”, komentoi një tjetër fans.
Dua Lipa e nisi shfaqjen e saj pas orës 21:00 dhe u kërkoi falje fansave të cilët ishin mbajtur në pritje. Ylli shqiptar me famë botërore deri tani ka mbajtur dy koncerte në Sydney dhe një në Brisbane si pjesë e turneut të saj “Future Nostalgia”.
Axhenda e koncerteve të fitueses së Grammy-t vazhdon me dy shfaqje në Melburn përpara se të performojë në Adelaide dhe Perth.
