Jay-Z dhe Nicki Minaj janë renditur nga revista amerikane “Billboard” si reperët më të mirë të të gjitha kohërave. Reperja Nicki u rendit në vendin e 10 -të, duke e bërë zyrtarisht të vetmen femër në top dhjetëshen dhe për rrjedhojë edhe reperen më të madhe të të gjitha kohërave. Legjendat e repit si Tupac, Eminem, The Notorious BIG, Snoop Dog dhe Nas gjithashtu ishin pjesë e kësaj liste.
Billboard vuri në dukje disa nga momentet më të suksesshme të karrierës së Jay-Z që e kanë vendosur atë në vendin e parë. 53-vjeçari ka fituar 24 çmime Grammy, ka shitur 140 milionë disqe në të gjithë botën dhe ka 14 albume të suksesshme.
Jay-Z, i cili është i martuar me artisten Beyonce, është gjithashtu artisti i parë i zhanrit Hip-Hop që fitoi statusin e miliarderit në Qershor 2019.a
