Mançester Junajtid ka marrë një fitore me vuajtje në transfertën e Fulhamit, teksa mposhtën këta të fundit me rezultatin 1-2.
Në minutën e 15, Kristian Eriksen zhbllokoi ndeshjen për “Djajtë e kuq”. Me këtë gol, ai u bë danezi i parë që realizon për Junajtid që nga viti 1995, ku goli i fundit është realizuar nga Peter Shmajkëll.
Ekipi i Ten Hag rezistoi deri në minutën e 61, kur Xhejms vendosi ekuilibrat. Sërish mesfushori Eriksen u tregua protagonist absolut, teksa në fund dha asistin e golit të fitores për talentin Garnaço.
Pas kësaj fitoreje, Mançester Junajtid ngjitet në kuotën e 26 pikëve në vendin e 5, ndërsa Fulhami renditet në vendin e 9 me 19 pikë.
