Këto pamje të rënda vijnë nga Londra, ku tregojnë tre persona që sulmojnë një burrë. Ata e tërheqin në pjesën e pasme të një fugoni, para se të largoheshin me shpejtësi. Pamjet e filmuara nga një dëshmitar okular tregojnë tre burra që tërheqin një person drejt automjetit në Londrën lindore. Policia Metropolitane më parë lëshoi një apel për dëshmitarët, dhe informacionin pas raporteve të një rrëmbimi në South Woodford rreth orës 3.
Në një deklaratë për mediat, policia tha se dëshmitarët panë dy burra të dilnin nga një furgon dhe të tërhiqnin një burrë në pjesën e pasme të automjetit, pasi e kishin goditur disa herë. Një i dyshuar i tretë ishte gjithashtu brenda furgonit.
Fugoni më pas u largua, i ndjekur nga afër nga një BMW e zezë – shoferi i së cilës kishte folur me personin që rrëmbyen, disa momente para mbërritjes së fugonit.
Oficerët shkuan në vendin e ngjarjes dhe bënë një kontroll të zonës. Fugoni u gjurmua në zonën e Chigwell dhe më pas u ndal në Brooks Parade, Chigwell.
Dy persona në të 20-at e tyre, u arrestuan dhe u akuzuan më vonë. 30-vjeçari i dhunuar u dërgua në spital me dëmtime jo të rënda për jetën.
Hetimet janë duke vazhduar, për të gjetur të dyshuarin e tretë në fugon, si dhe shoferin e BMW.
Burimi i lajmit: https://www.dailymail.co.uk/news/article-9463525/Terrifying-moment-kidnappers-attack-victim-drag-van-speeding-away.html
Përshtati “Priza.al”
