Ushtarët talebanë janë ndjerë të tradhtuar pasi zbuluan se SHBA-ë kishin çaktivizuar helikopterët dhe avionët ushtarakë para nisjes së tyre nga Kabuli. Trupat amerikane ‘demilitarizuan’ 73 avionë para nisjes së tyre këtë javë, sipas gjeneralit Frank McKenzie.
Një gazetare e ‘Al Jazeera’ që vizitoi aeroportin pas tërheqjes tha se talebanët prisnin që amerikanët t’i linin avionat të paprekur.
“Kur i pyeta pse mendonin se amerikanët do të linin gjithçka funksionale për ta, mu përgjigjën duke thënë se ata besonin se është një pasuri kombëtare dhe se ata ishin qeveria tani”, tha gazetarja.
Ajo shtoi: “Ata janë të zhgënjyer, ata janë të zemëruar dhe ndjehen të tradhtuar”.
Përpara rënies së Kabulit, Uzbekistani konfirmoi se 46 avionë afganë, përfshirë 24 helikopterë, kishin mbërritur në vend për të parandaluar që ata të binin në duart e talebanëve. Komandanti i misionit të evakuimit të SHBA -së, gjenerali Frank McKenzie, tha se trupat amerikane çaktivizuan 73 avionë para se të largoheshin përfundimisht nga vendi të hënën. Armët u hoqën nga aeroplanët dhe helikopterët, ndërsa avionët e tjerë u shtrinë direkt në terren, pasi iu ishin hequr rrotat duke i bërë ato të paoperueshme.
Në krye të pemës së Natos janë Shtetet e Bashkuara me më shumë se 13,000 avionë, e ndjekur nga Franca me 1,057, Turqia me 1,056, Italia me 876 dhe Mbretëria e Bashkuar me 738.
/Burimi:DailyMail/Përshtati:Priza.al
