Një grua e cila donte të çonte djalin në shkollë hyri me Range-Rover mespërmes një turme njerëzish që ishin duke protestuar në rrugë. Incidenti ndodhi ndërsa më shumë se 40 demonstrues dolën në rrugë në anën veriore të Kalimit Dartford që lidh Essex me Kent.
Pamjet të filmuara nga një person tjetër në protestë tregojnë një grua, të zemëruar për vonesën për të çuar djalin e saj në shkollë, duke u futur me makinë mes protestuesve që ishin ulur në rrugë.
Ndërsa ajo e bën këtë njerëzit që ishin ulur në rrugë bërtasin nga dhimbjet dhe të tjerët i kërkojnë asaj që të ndalet sa më parë. Protesta po organizohej për furnizimin e marketeve në qytete të ndryshme dhe problemet e krijuara nga rritja e çmimeve. Pasi ndal makinën gruaja zbret dhe gris posterin që protestuesit mbanin dhe u thotë: “Largohuni nga rruga. Nuk bëj shaka. Djali im duhet të shkojë në shkollë dhe unë duhet të punoj. Unë do të kaloj përmes teje atëherë. Djali im është 11 vjeç dhe ai duhet të shkojë në shkollë”.
Burimi:DailyMail/Përshtati:Priza.al/
