Vrasja e shqiptarit Aristidh Papas si duket ende nuk ka një autor dhe asnjë të dyshuar apo të shoqëruar.
Sipas disa fotove të cilat qarkullojnë nëpër media, autori i vrasjes së 32-vjeçarit është larguar në këmbë pasi e ka qëlluar me breshëri plumbash dhe ka hipur në një taksi.
Një detaj i cili mund të hedh dritë mbi ngjarjen është se e njëjta skemë është përdorur edhe në atentatin që shqiptarit iu bë më 26 shkurt 2021 nga ku Aristidh Papas arriti që të shpëtonte.
Sipas autoriteteve greke, autori i vrasjes kishte njohje me shqiptarin dhe se pak para se ai ta vriste kanë shkëmbyer fjalë me njëri-tjetrin.
Viktima Aristidh Papas ishte i përfshirë në disa ngjarje kriminale në shtetin helen dhe se policia e ka ende të vështirë zbardhjen e ngjarjes për shkak të të kaluarës së errët të shqiptarit, gjithashtu ai ishte anëtar i bandës në rrugën Aharnon në qendër të Athinës. Banda shpërndante lëndë narkotike në zonën e qendrës së kryeqytetit helen.
