Shumë deputetë kanë deklaruar votën e tyre kundër kryeministrit britanik sic deklaruan ata për të mirën e vendit. David Blundell, deputeti i Konservatorëve Skocezë dhe një ish-sekretar i Skocisë – ka njoftuar se votoi kundër vazhdimit të Boris Johnson si kryeministër.
Në një postim në Twitter,Blundell tha se vota e tij erdhi pas “dy vitesh të vështira” dhe ai kishte votuar për “një fillim të ri dhe udhëheqje të re”.
Një tjetër deputet skocez konservator ka njoftuar gjithashtu se ka marrë “vendimin jashtëzakonisht të ashpër” për të votuar kundër kryeministrit.
Andrew Bowie tha se ishte “zgjedhja e vetme për të mirën e vendit”.
Kryeministri Johnson ka mbërritur për të votuar me Sekretarin e Mbrojtjes Ben Wallace dhe shefin e shtabit Steve Barclay.
Duke hyrë në dhomën e votimit, ai u pyet “a do të votoni për veten tuaj?” Dhe “pro apo kundër”?
Nuk kishte asnjë përgjigje nga kryeministri, megjithëse mediat kanë komentuar se dihet me siguri se si do votojë ai vetë.
