Një aksident i rëndë ka ndodhur mbrëmjen e sotme në Shijak ku si pasojë ka humbur jetën një 40-vjeçar.
Uniformat blu raportojnë se dy mjete sportive janë përplasur pasi bënin gara me njëra-tjetri, tek Arena Kartin Albania 3 në fshatin Pjesës, Shijak, ndërsa grupi hetimor ndodhet në vendngjarje dhe po punon për sqarimin e rrethanave të aksidentit.
Njoftimi i policisë:
Durrës/Informacion paraprak
Në fshatin Pjesës, Shijak, tek Arena Kartin Albania 3, gjatë garave me mjete sportive, janë përplasur dy automjete.
Si pasojë e përplasjes ka humbur jetën njëri prej drejtuesve shtetasi A. M., 40 vjeç, banues në Fier.
Grupi hetimor ndodhet në vendngjarje dhe po punon për sqarimin e rrethanave të aksidentit.
