Forcat e Ndërhyrjes së Shpejtë kanë mbërritur në Kavajë pas vrasjes së 48-vjeçarit Arian Gosa. Ai u qëllua pasditen e sotme me një plumb në kokë, në një lokal në lagjen Nr.1.
Policia ka ngritur postoblloqe kudo, teksa efektivët po kryejnë krehjen e zonës. Po ashtu po merren në pyetje të gjithë dëshmitarët në vendngjarje apo dhe personat që mund të kenë dijeni për rastin.
Shkak i vrasjes dyshohet se është hakmarrja, pasi në mars të këtij viti viktimës iu vra i vëllai Edmond Gosa për shkak të një konflikti banal. Gosa dhe Altin Rexha mbetën të vrarë pas një sherri me njëri-tjetrin.
