Tre anije të tjera të ngarkuara me grurë janë larguar nga portet e Ukrainës. Telefonata e Erdoganit me Putinin: “Zgjidhja e çështjes së grurit për të lehtësuar negociatat”
Alarmi ajror është shpallur mëngjesin e sotëm në shtatë rajone të Ukrainës: sipas të dhënave të hartës, alarmi ka të bëjë me rajonet e Dnipropetrovsk, Poltava, Cherkassy, Kirovograd, Mukolaiv, Kharkiv dhe pjesën e rajonit Zaporozhzhia të kontrolluar nga Kievi. Lajmi është bërë i ditur nga agjencia ruse e lajmeve Tass.
Pushtuesit rusë përparojnë në drejtimet Bakhmut, Avdiivka dhe Novopavliv, në Donetsk: këtë e njoftoi Shtabi i Përgjithshëm i Forcave të Armatosura të Ukrainës në faqen e tij në Facebook, siç raporton UNIAN. “Kundërshtari po përpiqet të mbajë territoret e pushtuara përkohësisht. Ditën e fundit, mbrojtja ukrainase zmbrapsi sulmet e pushtuesve në zonat e vendbanimeve Makiivka, Nevske dhe Bilogorivka të rajonit Lugansk dhe Verkhnokamyanske, Spirne, Bakhmut, Mayorsk. Pervomaiske, Novomykhailivka, Vodyane, Pavlivka dhe Prechistivka nga rajoni i Donetskut”, thotë Ushtria e Kievit.
