Presidenti i zgjedhur Barjam Begaj do të marrë këtë pasdite detyrën si kreu i shtetit shqiptar në 5 vitet e ardhshme.
Pak minuta na ndajnë nga nisja e ceremonisë e cila do të mbahet në sallën e seancave plenare mbledhja e jashtëzakonshme e Kuvendit, ku do të bëhet betimi i Presidentit. Ndërkohë që në orën 19.30 është parashikuar ceremonia e dytë, ajo në ambientet e Presidencës, aty ku bëhet dorëzimi i detyrës nga Presidenti aktual, Ilir Meta, tek Presidenti i ri Begaj.
Axhenda e ceremonisë në Presidencë:
- 18:45 – 19:15 – Mbërritja e të ftuarve
- 19:15 – Mbërritja e Presidentit të Republikës SH.T.Z. Bajram Begaj në Presidencë
- 19:29 – Presidenti i Republikës SH.T.Z. Bajram Begaj bashkë me ish-Presidentin e Republikës SH.T.Z. Ilir Meta, dalin nga Presidenca dhe zënë vend në tribunë
- 19:30 – Luhet Himni Kombëtar nga Orkestra Frymore e Forcave të Armatosura, shoqëruar nga 21 të shtëna topi
- 19:35 – Znj. Vitore Tusha, Kryetare e Gjykatës Kushtetuese i dorëzon Presidentit, Kushtetutën e Republikës së Shqipërisë.
- 19:40 – Fjala e Presidentit të Republikës, SH.T.Z. Bajram Begaj
- 19:50 – Largimi i ish-Presidentit të Republikës, SH.T.Z. Ilir Meta
- 19:53 – Komandanti i Truprojës së Nderit i Forcave të Armatosura i paraqet forcën Presidentit. Kalim në revistë i Presidentit.
- 19:58 – Presidenti i shoqëruar nga familja hyjnë në Presidencë
- 20:00 – Pritje zyrtare në oborrin e Presidencës.
