Gjykata e Lartë në Itali ka dhënë vendimin këtë të enjte për Moisi Habilajn, duke e dënuar me 15 vite e 5 muaj me akuzën e trafikimit të lëndëve narkotike dhe grupit të strukturuar kriminal.
Kujtojmë se ai u arrestua në vitin 2017 nga policia italiane së bashku me 11 persona të tjerë, të cilët kryenin transportin e drogës nga Shqipëria në Siçili. Por kaloi 3 vite në paraburgim në pritje të gjyqit, por pas kërkesës së avokatit të tij, masa e sigurisë u lehtësua në “arrest shtëpie”.
Por prej fillimit të Janarit ai është shpallur në kërkim ndërkombëtar, pasi u arratis nga banesa u vuante dënimin. Ai dyshohet se u arratis drejt Shqipërisë, por deri më tani nuk ka asnjë shenjë.
Sakaq, Habilaj është dënuar edhe nga GJKKO në Shqipëri me 10 vite burg, ndërkohë që i është sekuestruar edhe pasuria.
