Kulmi i ndërtesës numër një të termocentralit bërthamor Zaporizhzhia dyshohet se është dëmtuar për shkak të bombardimeve nga trupat ukrainase. Kështu deklaroi Vladimir Rogov, përfaqësues i administratës pro-ruse të rajonit. Këtë e bën të ditur Ria Novosti duke publikuar edhe një foto të postuar nga i njëjti politikan në kanalin e tij Telegram. Ndërtesa, sqarohet, është ajo ku ruhet karburanti i nevojshëm për funksionimin e reaktorëve.
Kryetari i Mykolaiv: “Shpërthime të fuqishme, kërkoni strehim”
Shpërthime të fuqishme ndodhën pasdite në Mykolaiv, në jug të Ukrainës. Këtë e bëri të ditur kryebashkiaku Oleksandr Sienkovych në Telegram. “Në qytet ka shpërthime të fuqishme!- shkruan kryebashkiaku- Të gjithë të shkojnë menjëherë në strehimore”.
