Sulmuesi i Paris Saint-Germain, Kylian Mbappe raportohet se ka informuar Real Madridin se do të nënshkruajë me ta verën e ardhshme.
Ylli i Francës ka qenë në radarin e Real Madridit që kur shpërtheu në skenë si adoleshent me Monakon. Ai ishte afër nënshkrimit për gjigantët spanjollë verën e kaluar si një transferim i lirë, por papritmas bëri një kthesë dhe nënshkroi një kontratë të re me PSG.
Me marrëveshjen e tij aktuale në Paris që hyn në vitin e saj të fundit, spekulimet janë rikthyer edhe një herë se Madridi do të marrë nënshkrimin e Mbappe në 2024.
Sipas një raporti të botimit spanjoll AS, lojtari ka folur privatisht me Perez se do të jetë i gatshëm t’i bashkohet atyre në verën e vitit 2024.
Edhe pse PSG ka opsionin për të zgjatur marrëveshjen e Mbappes me 12 muaj shtesë për shkak të një klauzole në kontratën e tij, raporti shton se 23-vjeçari nuk ka dëshirë të qëndrojë në Paris Saint-Germain përtej vitit të ardhshëm. Ai ka folur me zyrtarët më të lartë të klubit dhe nuk do të ndryshojë mendje këtë herë.
Mbappe gjithmonë ka ëndërruar të luajë për Los Blancos dhe nuk dëshiron ta vonojë më. Ai e sheh klubin spanjoll si hapin e ardhshëm ideal në karrierën e tij pasi mund t’i ofrojnë atij mundësinë për të fituar Ligën e Kampionëve.
Raporti gjithashtu shton se Mbappe do të ishte i hapur për t’iu bashkuar Real Madridit në verën e ardhshme. Megjithatë, një lëvizje e tillë do të ishte e mundur vetëm nëse ai do të vinte falas, pasi Los Blancos nuk kanë ndërmend të shpenzojnë shumë për të.
