Mes spekulimeve se Lionel Messi do të kthehet në Barcelonë këtë verë, legjenda e Argjentinës Mario Kempes i ka kërkuar atij që të qëndrojë në Paris Saint-Germain.
Kthimi i Messit në Camp Nou me një transferim të lirë sigurisht që do të kishte vlerë nostalgjike, por Kempes ka frikë se kufizimet financiare të Blaugrana-ve dhe pritshmëritë që mund të vendosen mbi Messin e bëjnë lëvizjen e mundshme jo të mençur.
“Unë nuk mendoj se është e shëndetshme që ai të kthehet në Barcelonë”, tha Kempes për Super Deportivo Radio. “Ai do të ishte më mirë në Francë, në mënyrë që të arrijë në Botërorin e ardhshëm i qetë, ai duhet të qëndrojë atje. Objektivat e Barcelonës janë të ndryshme, është ende duke u bashkuar, pas largimit të tij. Ka shumë probleme.”
Fituesi i Kupës së Botës 2022 ka shënuar 15 gola dhe ka regjistruar 15 asistime për PSG-në në Ligue 1 këtë sezon, duke e ndihmuar klubin në prag të titullit.
