Hyjnë sot në fuqi në të gjithë Greqinë, masat e reja që synojnë të frenojnë valën e rritjes së infeksioneve, shtrimet në spital dhe vdekjet nga Covid-19 para pushimeve të Krishtlindjes.
Sipas rregullave të reja të shpallura nga kryeministri grek dhe zyrtarët e qeverisë javën e kaluar, njerëzit që nuk janë vaksinuar kundër “SARS-CoV-2”, ose nuk kanë një certifikatë të vlefshme rikuperimi, nuk do të lejohen më në ambiente publike të mbyllura si kinema, teatro, muze dhe palestra.
Orari i punës është përshtatur gjithashtu për të kufizuar ndikimin e orëve të pikut në transportin publik, me dyqanet me pakicë të hapura në orën 10:00 dhe punonjësit e zyrave që punojnë me turne të shkallëzuara.
/Priza.al/
