Kryeministri i Malit të Zi në mandat teknik, Dritan Abazoviq, ka takuar më 10 tetor në Vatikan kreun e Kishës Katolike, Papa Françeskun.
Në një njoftim të shkurtër nga kabineti i Abazoviqit, thuhet se Mali i Zi dhe Vatikani janë të lidhur me lidhje të thella mijëravjeçare, nga të cilat lindi një trashëgimi e pasur kulturore dhe historike.
Gjithashtu shtohet se qytetarët malazezë të besimit katolik janë pjesë e rëndësishme dhe e domosdoshme e historisë dhe kohëzgjatjes së Malit të Zi, të mbledhur rreth Dioqezës së Tivarit dhe Kotorrit.
#Vatikan; Premijer @DritanAbazovic sa papom @Pontifex: Crnu Goru i Vatikan vežu hiljadugodišnje veze univerzalnog karaktera!
🇲🇪🇻🇦 pic.twitter.com/1iEcM8vio4
— Vlada Crne Gore (@VladaCG) October 10, 2022
Programi i vizitës së Abazoviqit në Vatikan, ndër të tjera, përfshin një vizitë në Bibliotekën Apostolike, ku do t’i prezantohen dy dorëshkrime me rëndësi historike për Malin e Zi.
“Korrespondenca e mbretit të Dukljanit Mihailo Vojislavljeviq me Papa Gregori VII nga viti 1078 dhe origjinali i veprës monumentale të Kryepeshkopit Andrija Zmajeviq “Kronika e Kishës”, dorëzuar Vatikanit në vitin 1694”, thuhet në njoftimin e Qeverisë së Malit të Zi.
Parlamenti i Malit të Zi ratifikoi Marrëveshjen Themelore ndërmjet Malit të Zi dhe Selisë së Shenjtë, të ashtuquajturin Konkordat të vitit 2012.
Kjo konfirmoi zyrtarisht Konkordatin që Princi Nikola Petrović Njegoš nënshkroi me Vatikanin në 1886.
Konkordati midis principatës së atëhershme të Malit të Zi dhe Shën Solicës ishte marrëveshja e parë e tillë ndërshtetërore në botë midis Vatikanit dhe një shteti kryesisht të krishterë ortodoks lindor.
Qeverisë së Dritan Abazoviqit iu votua mosbesimi më 20 gusht .
