Lidhjet e Pekinit me Moskën janë “të forta si një gur”, tha kryediplomati i Kinës Wang Yi gjatë vizitës së tij në Rusi disa ditë para përvjetorit të pushtimit të përgjakshëm të Ukrainës nga presidenti rus Vladimir Putin.
Wang, i cili u emërua këshilltari kryesor i politikës së jashtme të liderit kinez Xi Jinping muajin e kaluar, i bëri këto komente gjatë takimit të tij të martën me Nikolai Patrushev, kreun e Këshillit të Sigurimit të Rusisë dhe një nga aleatët më të ngushtë të Putinit.
“Marrëdhëniet kino-ruse janë të pjekura dhe të forta si një gur dhe do t’i rezistojnë provës së ndryshimit të situatës ndërkombëtare”, citohet të ketë thënë Ëang nga agjencia shtetërore ruse e lajmeve Sputnik.
“Ne jemi të gatshëm, së bashku me palën ruse, në përputhje me marrëveshjet e nivelit të lartë, të mbrojmë me vendosmëri interesat dhe dinjitetin kombëtar dhe të promovojmë bashkëpunim reciprokisht të dobishëm në të gjitha fushat”, tha Wang, shkruan BBC, transmeton Gazeta Express.
Patrushev i tha Wang se Kina dhe Rusia duhet të qëndrojnë së bashku përballë presionit në rritje nga Perëndimi.
Rusia ka akuzuar në mënyrë të përsëritur Perëndimin për nxitjen e luftës në Ukrainë, ndërsa përpiqet të mohojë përgjegjësinë për vdekjet e raportuara të dhjetëra mijëra njerëzve – dhe Pekini ka ‘papagallëzuar’ mesazhet, duke hedhur fajin për pushtimin e paprovokuar të Moskës në Shtetet e Bashkuara dhe NATO-n e aleatët e saj.
