Policia Rrugore pas makinës inteligjente, duket se ka gjetur një tjetër mënyrë për të “edukuar” shkelësit e Kodit Rrugor. Dron edukues’ do të jetë në rrugët e Tiranës për të vëzhguar çdo ndryshim të paligjshëm korsie apo karrexhate.
Policia rrugore e Tiranës njofton se pajisja e re inteligjente është vënë në përdorim për të vëzhguar ndryshimet e drejtimit të korsisë dhe të pozicionimit të mjetit në karrexhatë.
NJOFTIMI I POLICISË:
“Droni edukues”, pajisja më e re inteligjente në përdorim të Komisariatit të Policisë Rrugore Tiranë, dedikuar veçanërisht për konstatimin e shkeljeve rrugore të pozicionimit të mjeteve në korsinë apo karrexhatën e duhur, sipas drejtimit dhe qëllimit të lëvizjes. Kujdes! Ndryshimi i drejtimit apo i korsisë duhet të kryhet në përputhje me parashikimet e nenit 152 të Kodit Rrugor, ndërsa pozicionimi i mjetit në karrexhatë duhet të kryhet sipas nenit 141 të këtij ligji. Respekto rregullat e qarkullimit rrugor, shpëto jetë!
