Një 40-vjeçar ende i paidentifikuar është gjetur i pajetë në zonën tek Mbikalimi i Patokut. Ngjarja ka ndodhur mbrëmjen e kësaj të enjteje, ndërsa nuk dihet ende shkaku i vdekjes.
Paraprakisht, policia në një njoftim thotë se personi mund të ketë humbur jetën nga një arrest kardiak, por nuk përjashtohet edhe mundësia të jetë goditur nga ndonjë makinë.
Trupi i pajetë i të ndjerit u dërgua në morgun e Tiranës për ekspertize-mjekoligjore.
Njoftimi nga policia:
“Tek Mbikalimi i Patokut , një shtetas ende i paidentifikuar, dyshohet që si pasojë e një arrsti kardiak ka humbur jetën. Nga kqyrja paraprake nuk janë konstatuar dëmtime të tjera. Grupi hetimor në vendngjarje punon për sqarimin e plotë të shkakut dhe rrethanave të ngjarjes.”, thuhet në njoftimin e policisë.
/Priza.al/
