Një prej çifteve më simpatike dhe më të njohura shqiptare janë padyshim moderatorja Marina Vjollca dhe reperi Getoar Selimi.
Dhe për ta sot (e mërkurë) është një ditë e veçantë, pasi prezantuesja po feston ditëlindjen e 32-të.
Natyrisht, një urim romantik nuk ka munguar nga bashkëshorti i saj, i cili ka zgjedhur disa fjalë të ndjera për të uruar partneren e tij.
Geasy ka postuar një imazh të Marinës teksa mbante në krah të bijën e tyre, Marget teksa bëri urimin për të.
“Që në takimin tonë të parë, e dija se do ta kaloja pjesën tjetër të jetës me ty. Më vjen mirë kur e di se kisha të drejtë. Gëzuar ditëlindjen gruas më të mrekullueshme që njoh”, ka shkruar reperi në urim.
