Janë vënë në pranga disa shtetas mbas sherrit të rëndë që ka ndodhur në Kombinat mes disa të rinjve.
Si pasojë e këtij sulmi kanë ngelur të plagosur shtetasit M.D dhe S.S, të cilët ndodhen nën kujdesin e mjekëve, jashtë rrezikut për jetën.
Të arrestuarit janë shtetasit M.D., 26 vjeç, M. D., 27 vjeç, për veprën penale “Plagosja e rëndë me dashje” kryer në bashkëpunim. Si dhe shtetasit S. S., 39 vjeç, për veprën penale “Vrasja me dashje” e mbetur në tentativë.
Njoftim i Plotë:
Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasve:
– M. D., 26 vjeç, M. D., 27 vjeç, për veprën penale “Plagosja e rëndë me dashje” kryer në bashkëpunim;
– S. S., 39 vjeç, për veprën penale “Vrasja me dashje” e mbetur në tentativë.
Gjithashtu u procedua penalisht shtetasi G. B., 26 vjeç, për veprën penale “Moskallëzimi i krimit”, si dhe u bë shpallja në kërkim e shtetasit M. Xh., 27 vjeç, për veprën penale “Vrasja me dashje” e mbetur në tentativë.
Këta shtetas, janë konfliktuar dhe goditur me njëri-tjetrin me mjete të mprehta, dhe si pasojë e goditjeve janë dëmtuar shtetasi M. D., dhe S. S., të cilët ndodhen nën kujdesin e mjekëve, jashtë rrezikut për jetën.
