Sali Berisha ka bllokuar foltoren e Kuvendit ditën e sotme në lidhje me arsimin. Sakaq, kryeparlamentarja Lindita Nikolla i kërkonte që foltorja të lirohej pasi duhet të fliste ministrja Elisa Spiropali, por Berisha nuk lëvizte. Ndërkohë në këto moment Spiropali u detyrua të fliste nga vendi. Ajo i tha Berishës se kërkon të ngjitet sërish në politikë, por nuk e bën dot.
Pjesë nga biseda:
Flet Sali Berisha (Pa mikrofon)
Lindita Nikolla: Vijojmë me seancën, vijojmë, ia kam dhënë fjalën ministres Spiropali
Vijon flet Sali Berisha (Pa mikrofon)
Lindita Nikolla: Ju lutem, vijojmë me seancën, të flasë zonja Spiropali
Elisa Spiropali: Sali tre piramida ke krijuar, por nuk ke për tu ngjitur më në krye të politikës, edhe pupthi të kërcesh, sepse ti doktor, nuk je gjenerali i ushtrisë së vdekur, je gjenerali i atyre që mendojnë se jeni gjallë. Të gënjen mendja se munde Bashën që zgjohet vonë e ikën herët se i vjen prapë ora e gjumit, por jo Partinë Socialiste.
