Kreu i KQZ-së zhvilloi sot një bashkëbisedim me mediat pas vendimit për të mos regjistruar Partinë Demokratike në zgjedhjet vendore të 14 majit. Ai e konsideroi të papranushme gjuhën e përdorur nga Gazment Bardhi në adresë të tij, ndërsa u shpreh se zbatimi i ligjit dhe korrektësia në zbatimin e saj ka qenë shtylla kurrizore e punës së tij.
“Në çdo pikëpamje nuk jam i shantazhueshëm dhe kam dedikimin profesional për të respektuar ligjin. Zbatimi i ligjit dhe korrektësia në zbatimin e saj ka qenë shtylla kurrizore e punës sime. Më vjen keq që zoti Bardhi e sheh të pabazuar vendimin tim. Gjuha e përdorur e pa tolerueshme” – u shpreh Celibashi.
