Kryedemokrati Sali Berisha gjatë fjalës së tij në Kuvend, ka akuzuar kryeministrin se sot po shkatërron teatrin dhe shkollat e fëmijëve duke e krahasuar me veprat e të atit që sipas Berishës ai firmoste për varje poetësh. Por, teksa Berisha hidhte akuza, në sallë foli Taulant Balla, kreu i grupit parlamentar të Partisë Socialiste dhe ministrja Ogerta Manastirliu. Të dyve, Berisha u kërkoi të pushonin. Manastirliut i përmendi dhe periudhën e Covid-19.
Ndër të tjera Berisha tha:
“Janë të paktën shekuj mbrapa, kryekëput antishqiptare dhe jashtëzakonisht të rrezikshme për të ardhmen e vendit. Ky njeri, gjenerator negativiteti, me ardhjen në pushtet betejën kryesore e ka bërë me artistët. Bëri gjithçka gjersa rrënoi Teatrin, simbol i kombit. Ky njeri ruan, konservon për artistët atë qëndrim që mbanin etërit e tij ndaj tyre. I ati ishte skulptor, por firmosi të varin një poet në vitin 1988. Ky s’mund të firmosë varje më, por shkatërrime Teatrosh, firmos rrënime të universiteteve. Pra, ky nuk firmos dot varje, por firmos largimin masiv të mjekëve nga Shqipëria. Rrënimin me shpejtësi katastrofale të sistemit shëndetësor dhe u thotë shqiptarëve ka mungesë për 40 mijë mjekë. Mjeran me aleksi, nuk lexon dot.
Italia është në vendin e dytë për numrin e mjekëve, por kërkon 40 mijë që të dalë në vendin e parë, të dalë para Gjermanisë. Italia ka 4 mjekë për 1 mijë banorë. Shqipëria kishte 1 mjek për 600 banorë, tani e ka për 1100 banorë. Notere e vdekjeve masive të shqiptarëve. Mos më fol pas shpine. Atë që i ke bërë ti kombit me Covidin, ti qosh. Ky nuk firmos dot për të vrarë poetin, por për të larguar masivisht studentët nga universitetet.
