Sendi i dyshimtë i mbështjellë me ngjitës të zi, i ngjashëm me një radiomarrëse rezultoi të ishte një GPS, model i vjetër. Policia rrethoi zonën dhe mori masa për shkak të frikës së ndonjë shpërthimi. Por kanë qenë ekspertët antieksploziv të RENEA-s që kanë nxjerrë konkluzionet.
Shërbimet e Policisë të Komisariatit Nr.4 vendosën perimetrin e sigurisë deri në mbërritje e ekspertëve antieksploziv të RENEA-s të cilët konstatuan se nuk kishte rrezik.
NJOFTIMI ZYRTAR
“Në vijim të informacionit paraprak të dhënë pak më parë në lidhje me sendin e dyshimtë në dukje si radio, që përdoret nga shoqëritë private të ruajtjes dhe sigurimit fizik të objekteve, i cili u konstatua në trotuar, në rrugën “Martin Canaj”, ju bëjmë me dije se: Pas mbërritjes së grupit të ekspertëve antieksploziv të RENEA-s dhe bërjes së ekspertizës nga ana e tyre rezultoi se sendi i konstatuar është GPS lokalizues.”
/Priza.al/
