Ish-kryeministri Sali Berisha pas daljes nga SPAK-u ku u paraqit për të respektuar masën e sigurisë detyrim paraqitje për dosjen Partizani lexoi sipas tij pjesë nga një dosje ku akuzon se përmendet ministri Taulant Balla.
“Në 17.11.2020, “target” që është pseudonim njoftoi se Bujari takoi Taon dhe ai konfirmoi se Meti, kundërshtari i bandës do të shkojë në SPAK 100% siguri. Pra thirrjes për në SPAK vendosen nga Tao dhe Edi Rama dhe më pas i dërgohen SKAP-it për t’i ekzekutuar.
Po në 2020, të gjithë e kanë bllokuar Taon në mënyrë që të kuptojë se nëse nuk ua rregullon këtë nuk i ka në krah. Taos banda i bën presion të plotë. Në 24 nëntor 2020, shkruhet se sot ata informuan Taon se ose ti bëjë këtë për ne ose nuk do të lejojmë në anën tuaj zgjedhje.
E kuptoni ku vendoset fati i zgjedhjeve. Pas këtij ultimatumi, Tao tha; nesër ndodh. Pra, urdhërohen nga banda. Ultimatumit e bandës që ose vepro ose nuk do të ketë zgjedhje sikur i don, Tao i përgjigjet nesër ndodh. Këto janë krimi elektoral mbi të cilat fle SKAP-i i partisë” tha ai.
