54-vjeçarja britanike humb syrin nga një infektim bakterial në dush

Një grua britanike humbi syrin pasi u infektua me një infeksion të rrallë gjatë dushit ndërkohë që mbante lente kontaktit. Pasi arriti në spital,doktori zbuloi se Marie Mason kishte kontraktuar një bakter të rrezikshëm. Më pas, 54-vjeçares iu tha se ajo kishte një sëmundje të rrallë të quajtur Acanthamoeba Keratitis, e cila po ushqehej me kornenë e saj, në dëm të shikimit të saj.

Ajo tha: Më duhej të lija punën sepse në atë kohë punoja në  kuzhinë tek një shkollë dhe më duhej të hidhja pika për sytë çdo gjysmë ore, kështu që thjesht nuk funksiononte sepse ishte shumë e dhimbshme. Gjithashtu më është dashur të shkoj në spital dy deri në tre herë në javë dhe ndonjëherë edhe më shumë. Kam bërë shumë vizita në spital, shumë operacione, procedura dhe dhimbje.

Marie Mason tani po bën fushatë për t’i ndërgjegjësuar të tjerët për rreziqet që mund të shkaktojë bërja e dushit me lente.

Marie tani ka jetuar për gati dy vjet me një sy dhe thotë se jeta e saj më në fund po kthehet në normalitet. Por ajo ende i ka të vështira disa detyra të përditshme.

 

/tvklan