Klubi katalanas ka bërë me dije se futbollisti Sergio Aguero do të mungojë për të paktën tre muaj, pas problemeve shëndetësore në ndeshjen kundër Alavesit.
Aguero pati probleme me frymëmarrje si pasojë e të cilave ai ra në tokë dhe u transferua në spital.
“Aguero i është nënshtruar një procesi diagnostikues dhe terapeutik nga mjeku Josep Brugada. Ai është i padisponueshëm dhe gjatë tre muajve të ardhshëm do të vlerësohet efektiviteti i trajtimit për të përcaktuar procesin e rikuperimit”, thuhet në njoftimin e lëshuar nga klubi spanjoll.
Argjentinasi u dërgua në spital për vlerësim kardiologjik të shtunën pas ndeshjes, në të cilën sulmuesi i Barçës nuk u ndje mirë në pjesën e parë dhe u zëvendësua nga braziliani Philippe Coutinho.
/Priza.al/
