Shefja për politike të jashtme në BE-së, Kaja Kallas, po zhvillon sot një vizitë në Tiranë, ku është takuar edhe me kryeministrin Edi Rama në Kryeministri.
Të pranishëm në takim kanë qenë edhe ambasadori i BE Silvio Gonzato dhe ministri i jashtëm, Igli Hasani.
Rama dhe Kallas pritet që pas pak të mbajnë edhe një konferencë për shtyp, ndërsa pritet edhe firmosja e marrëveshjes për financimin e hekurudhës Durrës – Rrogozhinë, pjesë e Korridori VIII.
Më pas, Kallas do të zhvillojë edhe takime me ministrin për Evropën dhe Punët e Jashtme, Igli Hasani dhe ministrin e Mbrojtjes, Pirro Vengu.
Kallas gjithashtu do të marrë pjesë në forumin e dialogut Shqipëri-BE për politikën e sigurisë e më pas në ceremoninë e marrëveshjes me Bankën Evropiane të investimeve.
Po ashtu ajo do të mbajë një ligjëratë në Shtëpinë e Evropës.
Pjesë e turit të saj të parë ballkanik ishin edhe takime në Malin e Zi, ndërsa pas Shqipërisë, ajo do të udhëtojë drejt Bosnjë-Hercegovinës.
