Ministria e Mbrojtjes ka raportuar për situatën e vështirë të shkaktuar nga reshjet intensive të shiut, ku Durrësi është ndër qytetet më të prekura.
Dëmet përfshijnë përmbytjen e banesave dhe ambienteve publike, ndërsa disa familje janë evakuuar dhe akomoduar në Kavalishencë. Forcat e angazhuara vazhdojnë punën për largimin e ujit nga zonat e prekura dhe për mbështetje janë përdorur pompa të fuqishme dhe mjete të kalueshmërisë së lartë.
Ndërkohë, nivelet e lumenjve Ishëm dhe Erzen kanë pësuar një rritje, por pa rrezik për daljen nga shtrati.
