Kryeministri Edi Rama tregoi sot për herë të parë se përse futi emrat e rinj në listë të mbyllur dhe pjesën e “xhaketave të vjetra” i nxori në betejë në fushë të hapur. Kjo tha Rama, ishte mënyra brutale për të hapur partinë.
“Skuadra jonë është ndërtuar me shumë kujdes duke nisur nga viti i kaluar në shtator kur kemi vendosur drejtuesit politikë. Drejtuesit politikë bëjnë punën studimore të territorit të potencialeve.
Lista e hapur dhe partia e mbyllur do të thotë se në kushtet kur të gjitha përpjekjet për të hapur partinë bëjnë një efekt relativ dhe konsumi i energjisë dhe kohës që partia të hapet, që të ketë gatishmëri në të gjithë territorin është i jashtëzakonshëm dhe rezultati është shpeshherë më pak se i zakonshëm, mediokër dhe listat e mbyllura dhe partia e hapur do të thotë se ne kemi shfrytëzuar listat e mbyllura për të hapur partinë.
Për ta bërë hapjen brutale të partisë. Duke u dhënë mundësi të rinjve dhe të rejave që ndryshe nuk do të hynin dot” tha ai.
