Gjykata e Posaçme u detyrua të shtyjë për në 12 mars procesin ndaj te pandehurve të dosjes “5D”. Shkak i shtyrjes u bë mungesa e tagrit ligjor të avokatit të të pandehurit, Taulant Tushe, për të kërkuar ose jo gjykim të shkurtuar. Të pandehurit e tjerë të dosjes i qëndruan kërkesës për gjykim të shkurtuar.
Drejtorët bashkiak, Redi Molla, Taulant Tusha e Mariglen Qato, si dhe Enton Punavija, Julian Zanaj, Albano Jaku dhe Nestor Muhametllari akuzohen për veprat penale korrupsion pasiv, pastrim parash, mosdeklarim pasurie dhe shkelje të barazisë në tendera.
