Komisioni Qendror i Zgjedhjeve (KQZ) në Kosovë ka procesuar rezultatet nga numërimi i 44.19% të vendvotimeve nga përfaqësitë diplomatike.
Sipas rezultateve të deritanishme, kur numërimi ka përfunduar në 19 kuti, nga 43 gjithsej, Lëvizja Vetëvendosje (VV) prin me 81.89 për qind të votave.
Lidhja Demokratike e Kosovës (LDK) e dyta me 7.21% të votave dhe Partia Demokratike e Kosovës (PDK)që ka marrë 5.75%.
Aleanca për Ardhmërinë e Kosovës (AAK) ka marrë 1.54 për qind të votave e Koalicioni për Familjen 1.07 për qind.
Numërimi i votave të hedhura në 30 përfaqësi diplomatike ka filluar të mërkurën pasdite.
Sipas KQZ-së, përfundimi i numërimit të mbi 15 mijë votave i paraprin procesit të numërimit të votave që janë dërguar me postë.
